Magic-Pro ProHDTV Platinum
建議零售價: $499
產品查詢: MAGIC-PRO（2388 4168）
數碼電視廣播已推行一年多，相信大家必定用過 USB 高清電視棒來收睇節目，但受制係播放軟件，一般高清手指都只能單睇單錄，要是雙Tuner 電視卡才可達至多睇多錄效果。不過，現在只要使用 ProHDTV Platinum，USB 高清手指都可做到多睇都錄，想知雙 Tuner 幾勁就記得唔好錯過!
.
|
|
|
現時 USB 高清電視棒款式繁多，數到特別除左之前介紹既 AverTV DMB855PRO 外，還有這款 ProHDTV Platinum 亦係獨當一面，全因它是市面唯一內建雙Tuner (兩顆 LGS 8G75 晶片) 既 USB 高清電視棒，能夠獨立接收兩個頻點訊號，從而達成真正雙睇雙錄效果。從外表睇 ProHDTV Platinum 可能豪無特別，即使雙 Tuner 設計仍然係 USB 及天線頭各一組，但從附送配件所見，這支 ProHDTV Platinum 必須使用兩組 USB 供電才能運作，顯然雙Tuner 單靠一組 USB 未能應付功耗需求。除此之外，盒內還包括遙控器、實內天線及 Totalmedia軟件，相信大家都見慣見熟。
.
|
|
|
軟件方面，會係大家見慣既 Totalmedia 播放器，鑒於 ProHDTV Platinum 擁有雙 Tuner 設計，搜尋頻道時就須設定兩次，比單 Tuner 會多上兩個步驟，但相信都難唔到各位網友。完成後，大家收看電視時可從右下角啟動畫中畫功能，當中可選擇子母及水平畫面，設計仍算彈性。
.
實播效果
|
|
|
結果分析:
透過 TotalMedia 畫中畫功能，ProHDTV Platinum 能獨立控制兩組頻點，即使錄影都可以分開進行，從此告別單睇單錄。接收品質方面，筆者採用附送室內天線作測試，效果僅屬合格，每當同時接收兩組高清訊號時，就間中出現「窒格」情況，可見雙Tuner 對訊號強弱有更高要求，要是大廈天線該能解釋問題。除此之外，TotalMedia 在使用畫中畫時，必須附加綠色框架作識別，但長期使用 LCD 可能會出現「色痕」問題，這點 HTPC 用家必須留意。
.
試玩後感: 硬件優越 軟件拖累
這款 ProHDTV Platinum 係現時唯一雙Tuner 高清電視棒，支援雙睇雙錄，令收看效果即時提升，唯獨只有遙控器暫不支援 Windows 7 卻是美中不足。或許雙 Tuner 貴得有理，但面對其他品牌已推出自家播放器，即使單Tuner 產品亦支援單頻點多台收看錄影，雖則功能不及真正雙Tuner，但價錢平半就係優勢所在。由此可見，單純依靠 TotalMedia 對產品發揮形成阻力，睇來 Magic-Pro 即將推出既 Magic-Viewer 要加把勁了。