今年電腦節再鬧雙胞胎，其中由「香港電腦業協會」及深水四個腦場合辦的《深水埗腦場夏日電腦節 》於今日搶先舉行，而qk123貴為腦場媒體，當然為大家報導第一手腦場電腦節的消息，務求大家未出發先興奮!
 |
 |
今屆《深水腦場夏日電腦節》於8月18日-8月25日於深水眾腦場舉行，日期比即將係灣仔舉行的《香港電腦通訊節2010》早三日揭幕。今年除左單純 推出產品優惠，8日活動其間更舉行不同活動，其中包括攝影Show、Fashion Show及寫真簽名會等，節目比年初舉行的腦場電腦節略為豐富。與此同時，腦場電腦節亦參考對方挑選歌星為代言人，而今屆則選了「戴夢夢」作為宣佈正版軟 件大使，總算搞得有聲有色。
.
|
 |
《深水腦場夏日電腦節》首日人流爆升
每次提起電腦節，相信大家都想起買平野，因此即使腦場電腦節首日並非假期，仍然吸引唔少人來到格價入貨。一如以往，四個電腦商場(高登、黃金、高登新翼新高登)只有高登及黃金人流急升，大家都忙於LCD舖頭及Notebook舖頭穿梭，連帶砌機舖頭都多左人查詢，但銷情有否幫助有事後才會知道。
.
 |
 |
LCD成熱賣榜首
從人群手中戰利品可以留意到多數人都以購入LCD顯示器為主，原因無非都係LCD價格高企近半年多有關。本網行經多間賣芒舖頭，發現人貨擠得水洩不通，其中大家就關注的是18.5吋全線低價發售，售價由$699-$799不等，雖然本網介紹過Acer V193HDQ以$699發售，但講到更吸引反而係Topcon Wingo 19 LED，全因它是唯一LED背光機種以$699發售，比BenQ、Viewsonic同款LED型號平$100，加上有上門保養，難怪行過都見人力住走喇! 除此之外，22吋LCD及22吋iDTV都分別有品牌以$999及$1699發售，幾乎也是全行最平的價格。
至於其他產品，例如Notebook、外置硬碟、USB手指等價格一般只有輕微回落，因此場內多數人都睇先價格才考慮購入，情況與LCD可以話形成強烈對比，面對黎緊還一另一個電腦節舉行，精打細算都係人之常情。
總結: 買芒唔洗等 行場格定價
雖然《深水腦場夏日電腦節》早三日舉行，但相信多數人都抱住「等埋灣仔電腦節」心態唔差在多幾日，但經過首日遊後，筆者建議買芒的讀者可以無須等待，先到腦場電腦節購買，除左估計價格在灣仔不會有明顯跌幅外，最重要係腦場買芒可以先試後買(唔係間間舖頭)，比起係灣展買完出問再力去換就慳水慳力得多。
其他特價產品可到「QK場料」遊覽:
http://www.qk123.com/forum/forum-61-1.html