後記: 效能理想 略欠性價比
睇完咁多有關 Radeon HD 7800系列測試，無可否認規格及效能都係 HD 7000系列中最突出，加上超低功耗及頗大超頻空間，條件絕對係高階遊戲顯示卡理想選擇。不過，暫時目前 HD 7000 系列都有個通病，就係性價比值往往偏低，正如 Radeon HD 7850 效能壓倒性超越 GeForce GTX 560 Ti，但預計定價約 $2000，性價比就即時落後GeForce GTX 560 Ti 約 0.8分。至於 Radeon HD 7870 情況更明顯，以預計定價$2800 計算就只有 5.34分，性價比便落後於 GeForce GTX 570 約 0.21分，可見差價 $200-$400 對性價比有頗大影響。