減價野好多時候都唔駛研究點解，因為減價嘅原因好多時候唔係件貨嘅問題，係其他你估唔到嘅問題。以前買後備機要揀紅米，不過依家紅米貴，大家都要另覓選擇。法國品牌大陸制造嘅 SUGAR F7 mini 減價，由本身 $2,098 減至 $599，減幅嚇親人。
一般呢啲後備機常見都係 MTK 處理器，未用都知出，但呢部 F7 mini 竟然係行 Qualcomm，信心大番啲，雖然係行 Snapdragon 4 系，但唔係最差慢到用唔到嘅 2 系，都算係咁啦！SUGAR 最大賣點係部機有 Swarovski 人工寶石，係個鏡頭到，係咪賣點睇你俾邊個用。男人老九用就怕怕，但粉色加閃閃俾阿媽或者阿女用就無咩問題。
最後一提係部機同平時啲機一樣行 Android，有 Google Play Store，5 吋 IPS 屏幕，1,300萬像素後置，138度角角前置再加 3000mAh 電池，其實幾啱阿女用。發下訊息，上下網無問題，但效能又唔夠打機唔怕掛住打機唔做功課。最好係五舊跌壞左唔心痛。
