ASUS 係遊戲市場立足左咁耐，一直以來都用 ROG 呢個品牌行走江湖，打開機嘅應該都知，而遊戲市場之大近年開始吸引其他領域嘅專家都參與埋一份，好似 Router 界嘅大老 netgear 也都一樣，推出 Pro Gaming 系列嘅 Router。
第一代嘅 Pro Gaming Router XR500 早幾個月已經係香港出左，今次雙十一優惠都有減價，由原價二千五減至 $1,683，減近成千，都幾跨張，真係好有搶市佔率嘅感覺。
呢部 XR500 同其他 Router 最大差別係佢有一個自訂速度模式，可以自已調較邊部機嘅網速優先，佔成個網絡幾多百分比，行幾快咁，特別啱香港呢啲環境用，自已打機，阿媽睇劇，阿妹睇 YouTube，啲頻寛好容易就咁被人拉走，而可以自訂速度百分比就可以保證打機速度夠穩定，唔會出事，好似下圖咁。
至於邊個多，邊個少，你自已決定啦！有興趣嘅把握最後一日，自已去官網睇資料。提提你官網免費送貨。
