專區緯達電腦全線結業 電腦節後遺症!?
過往電腦節係每年舉辦兩次既大型展銷活動，但唯獨 09年電腦節就一共舉辦四次之多，令唔少腦場舖頭都怨聲載道。經過早前「荃灣嘉年華」後，本日就有中型連鎖店 「緯達電腦科技公司」正式全線結業，是繼本年 4月電腦節旺電 Pro-One 結業後，另一大型結業活動。
 |
 |
行過「黃金」相信對「緯達電腦」都唔會陌生，係 3C 勢力係黃金形成前都算有點影響力，當中以售賣廉價硬碟產品最為人熟識。不過，自從 Centralfield 進軍黃金及電腦節頻頻舉行，無疑令「緯達電腦」形成兩難局勢。或許消費者覺得汰弱留強係理所當然，但從舖頭角度試想下，強敵壓境，又有電腦節搶走人流，而售賣產品又一式一樣，試問又點能夠生存呢？
這次「緯達電腦」突然全線結業，受影響除左黃金地庫兩間分店外(其中一間較早前已拉閘)，還有「灣電」一樓及二樓分店，論規模計都算係中型。本網記者已看到代理開始將貨運走，但代理有否因而損失就仍係未知數。至於近期有係「緯達電腦」購買產品或落單砌機既網友，就記謹與有關公司或部門連絡。
至於「緯達電腦」結業同時，相信大家都已聞即將 1月頭又有電腦節舉行，選址會係長沙灣運動場，與剛完結既「荃灣嘉年華」只係 2個月之隔。腦場消息人士指出 1月電腦節，將會影響 12月聖誕假期既消費力，幾乎每次電腦節舉行前一個月腦場都係水靜河飛，試問一年搞足 4次，舖頭又點生存落去。
「緯達電腦」查詢電話:
深水埗黃金分店: (3153 5311)
深水埗維修中心: (3153 5315)
灣仔灣電分店(1/F): (2891 3186)
灣仔灣電分店(2/F): (2891 3286)
灣仔維修中心: (2891 3706)
公司寫字樓: (2152 9401)
真可惜，又一間結業。
話晒都唔算細舖….唔通電腦節真係咁大威力?
捉虫：
中型連絡店 -> 連鎖？
記僅與有關公司或部門連絡 -> 記謹？
電腦節期間他們也賺不少吧…點解會結業呢？
假仁假義
:
至於有謠言報導指本會將會每一個月舉辦一次電腦節一事，乃失實之謠傳。事實上本會於 3 月 25 日召開第三次董事會議決，只為切合現時全港經濟極度低迷的非常環境下，採用的非常救市方案，除現在推行中的「東九龍電腦節 -數碼生活大匯演」外，只通過繼續舉辦每年一屆在會展的『電腦通訊節』和深水步的『香港電腦節』，直至今日並沒有落實再籌辦多一次電腦節。
誰人講咗又不認數: 香港電腦商會在今年3月31日發給全港傳媒之聲明, 內有 :
只通過繼續舉辦每年一屆在會展的『電腦通訊節』和深水步的『香港電腦節』，直至今日並沒有落實再籌辦多一次電腦節。
又少一間…
嘩~~通過左每年一屆在會展的『電腦通訊節』和深水步的『香港電腦節』，咁其他megabox同荃灣果d商會唔認係佢地攪架, 咁佢地理咁多做咩, 做左唔應數呀, 攪攪埋埋咁多展覽, 救市咁救架咩, 計我話用下個死人腦啦, 攪得多就代表做得好咩, 淨係見愈攪就愈多店舖玩完, 咁第時我地d小市民買電腦仲去唔去電腦商場好呀, 去到得返一半開門呀, 攪到人地結業咪即係又有好多個家庭冇左收入, 失業的人又多左, 功就領, 錯就唔應, 學咩人話救市呀!!!!!!!不知所謂!!!!!
都唔明政府支持商會攪咁多次電腦節做乜, 有錢拎去用係其他幫助貧苦大眾的用途啦. 支持商會做電腦節救市?變相整死電腦業, 增加失業率, 咁樣救市又救得幾出人意表!!!
香港電腦商會在6月份剛又向政府拿了每年50萬, 話做計麼促就業, 原來就是攪招聘會, 為電腦節請臨時工.
這條橋真絕, 完全當政府是提款機, 封晒虧本門. 真絕!!!!! 封你為偶像!!!!!!!!!!
開咁多電腦節把鬼咩….又話市道好左….咁點解仲會有咁多人失業
佢地跟本就係囉電腦節黎騙政府錢。你睇下電腦商會班人幾時比ICAC拉。
電腦商會班人.,影衰晒我地DD做電腦既人,要睇住人死先安樂