Smooth Digital SD-HD9 又係PMP又係芒!?

Smooth Digital SD-HD9
市價: $890
銷售查詢: Centralfield (2728 8328)
代理查詢: 佳領 (2364 6401)

隨著近期蘋果iPad及電子書先後發佈，大家對流動概念又更進一步，但假如你只想閒聊時煲下劇，那麼 PMP 仍然較便宜實惠之選。不過，最近本網發現有舖頭出售一台 9吋巨芒 PMP，能支援 RMVB 等格式播放，並提供類比電視接收，但更重要係 PMP 除左可駁至 LCDTV 外，同時又支援介面輸入當芒使用，功能絕非一般 PMP 達到的。有興趣想知更多? 就要記得睇埋以下介紹。

Smooth Digital SD-HD9 屬於 9吋熒幕 PMP產品，機身設計線條簡單，唔講還以為係數碼相架。不過，凡事唔好睇晒外表，全因這部 PMP 內涵搭救，能支援 RMVB 等格式影片播放，當然聽 MP3、睇相及 eBook 唔會少得，透過機身讀卡器及 USB 介面，用戶隨時都可以收看有關內容。除此之外，此台 PMP 更提供類比電視接收，通過機上 HDMI 或 D-Sub 或 RCA 輸出介面，要是接駁到 LCDTV 收看亦毫無難度，而且更可將 LCD 搖身一變成為多媒體電視，這樣連 RMVB 播放器或 TVBOX 都可以慳返，實在一舉兩得。不過，講到最特別係此 PMP 竟然支援 RCA 輸入，可用作接駁手提遊戲機、手機等產品，要是喜歡手機睇波，又唔想駁落 LCDTV 起晒格，9吋熒幕就剛恰到好處。至於 除左 SD-HD9 手提或座抬使仍外，還提供車叉供車上使用，試問一台 PMP 有如此多功能，僅售 $890 又是否值得一試呢!

.