Speed RH1 大芒通殺!

近年流行煲劇,唔少人放假都會留係屋企追睇劇集渡日,隨著煲劇癮就越來越深,相信大家都有諗過係搭車食飯果陣追劇既念頭。除了市面 3-4吋「的骰」PMP 外,早前 Speed 就出左部 5吋大熒幕 PMP-RH1,靚芒加上強大播片功能,作為煲劇迷既你又有無興趣呢?

IMG_0219

Speed RH1
售價:8GB ($899) / 16GB ($1088)
產品查詢:Speed(2958-1113)

產品重點:
● 5吋 800 x 480 熒幕
● 支援 720p 影片播放
● 支援視訊輸出

IMG_0192

外型靚仔 配件豐富

起初見到 Speed RH1 首個感覺就聯想起 iPhone,圓角加上面版無制既設計份外突顯那個 5吋大芒,當然幾百蚊部 PMP 唔可能期望佢有輕觸熒幕 (Touch Screen),所以操作按鈕就設於機身側面等位置。之後再打開包裝,就發現 RH1 附送配件非常多,有色差、音效及 USB 線等,而且還有遙控器及自家耳機,實在令筆者有感意外。

IMG_0220

簡單易用 操作直接

啟動 Speed RH1 大約需時 8秒就能 Load 到選單,途中睇著開機畫面就知熒幕非常細緻。主選單會以水平或垂直方式展示,能讓用家清晰看到每個功能,當中包括睇片、聽歌至睇相共有六項功能。起初筆者擔心不設「十字鍵」控制會較困難,可是入到內選單仍然可以操作自如,加上介面展示得簡單直接,即使唔睇說明書都會識用,可見設計者都有落點功夫。

IMG_0225

播片順暢 細緻極高

雖然 Speed RH1 支援多種功能,但最重要都係要黎睇片。經過筆者試播兩段 RMVB 及 AVI 格式 720p 短片,就發現那個 5吋熒幕質素甚高,即使播放光暗轉換既影片仍然清晰可見,加上光暗位細節得以保留,絕對係高水準表現。此外,用得 PMP 多數都會用耳機收看,但值得一讚既係 RH1 內置喇叭音量十足,音量幾乎可以遮蓋電視音效,加上最大音量時又未見「嚓」聲,配合輸出線及遙控器接駁電視台都綽綽有餘!

試玩後感:新一代播片王

Speed RH1 擁有強勁規格.並支援多種影片格式,即使操作上須一段時間適應,但配件豐富及支援 MircoSD 擴充,電池都能應付一天需要,絕對係睇片一族既至愛。此外,Speed RH1 亦令筆者回想當年使用 HP iPAQ 4700 (PDA) 要經常轉檔至 AVI 才能收看既情況,可是現在有 Speed RH1 睇黎部 PDA 都係時候退役了。

詳細規格:http://www.qk123.com/archives/6700

[nggallery id=35]


短片介紹

Speed RH1 短片介紹 Part 1:規格簡介

Speed RH1 短片介紹 Part 2:試玩實測

把新科技帶給學界 -「人工智能」產業的未來

得悉本屆「國際人工智能物流挑戰賽」完滿結束,並且相當成功。希望藉此採訪協辦方,COCOROBO 行政總裁兼創辦人 辛海洋博士 對於參與的過程、心得及總結。

咩係「遙距營商計劃」D-Biz 話哂你知

新冠肺炎疫情持續,創新及科技局早前就宣佈,在政府第二輪防疫抗疫基金下,將會推出為期 6 個月,為數 5 億元的「遙距營商計劃」(Distance Business Programme, 簡稱 D-Biz),資助企業利用創新與科技,幫助各行各業創出生路、撐過疫情。到底「遙距營商計劃」是甚麼來?幾時申請?甚麼公司才有資格?又如何申請?在這篇文章中,小編會整合所有你需知的資料,只要看完這篇文章,就可以一目了然。 什麼是「遙距營商計劃」(D-Biz)? 政府推出「遙距營商計劃」(D-Biz),目的是幫助各大小企業在疫情期間,能夠利用資訊科技開拓新的發展方向,從而能夠繼續營運和提供服務。 D-Biz...