腦場電腦節即將舉行，但各品牌 SSD 已急不及待率先減價戰，除了 120GB 創下有史以來最低售價，不同價位選擇亦大執位，如果你都想知邊款 SSD 最抵玩，首個電腦節購物專題就記得唔好錯過!

 =========================================================

分類 – $700 以下 

上星期起近乎全線品牌都因電腦節搶先落價，但一下子減價卻令消費者花多眼亂，筆者將會由最平 $700 以下選擇。現時 $700 以下，分別有 AData SP 900、Kingston V200+ 及 OCZ Agility 3，除了 AData 屬 128GB，其餘兩款都係 120GB。規格方面，三款都係 SandForce 控制晶片，讀寫均有 500MB/s 以上，而 IOPS 數值就以 AData 以 85000 佔優，加上只有 AData 附跟 (舖頭跟另計) 3.5吋鐵架及備份軟件，在同樣三年保養情況下，AData SP 900 性價比應該高一線。

=========================================================

分類 – $800 以下

睇完最平上一級就係 $800 戰線，這個價位有四個選擇，分別為 AData SX 900、 Intel 330。SanDisk Extreme 及 Transcend SSD720，這次 AData 及 Transcend 均屬 128GB ，其餘兩款都係120GB 。規格方面，四款均採用 SandForce 晶片，讀寫可達 500MB/s 以上，而 IOPS 值就以 AData 、SanDisk 及 Transcend 佔優，兩者可達 80000 以上。不過，支援上 AData 及 Intel 都有附跟 3.5吋鐵架及備份軟件，相反 SanDisk 及 Transcend 無，但另一面 Trancend 是四款中僅提供 7mm 厚度規格，所以條件上都各有千秋。若要四選一筆者會推介 AData 或 Transcend。

=========================================================

分類 – $900 以下

隨後到 $900 戰線，這個價位分別有 Crucial M4、Plextor M5、OCZ Vertex 4 及 OCZ Agility 4 四個選擇，容量上四款均屬 128GB，但同以上價位不同係三款產品都並非 SandForce 晶片，而係 Marvell 及 Indilinx 兩種。規格上，它們讀寫各有差別，其中 Plextor 及  OCZ Vertex 4  平均讀取速度達 500MB/s 以上，而寫入更只有 OCZ Vertex 4 達 400MB/s 以上，加上 IOPS 大幅拋離之下， OCZ Vertex 4 優勢就非常明顯。支援方面，三款產品都未有提供軟件，而 3.5吋鐵架亦僅  OCZ Vertex 4  有提供，加上附設五年保養，這個價位毫無而問是 OCZ Vertex 獨霸天下。

=========================================================

分類 – $900 以上

最後介紹係 $900 或以上戰線，這個界別亦係 120GB 裡最貴，選擇分別有 Plextor M3、M3P、M5P、OCZ Vertex 3 及 Intel 520，五款之中 Plextor 佔左三款，因此晶片會以 Marvell 主導，其次才是 SandForce。規格方面，除了 M3 數值較低，其餘四款讀寫都在 500MB/s 及 300MB 以上，而 IOPS 亦以 Plextor M5P 為最高。支援方面，Plextor 三個系列及 Intel 520 都有提供 3.5吋鐵架及備份軟件，而且它們都有五年保養，相反 OCZ Vertex 3 只有 備份軟件及三年保養，條件明顯有差距。不過，價錢上 Plextor 以至 Intel 由 $999 到 $1150 不等，每GB 價格最高可達 $8.5 或以上，相比以上介紹的平均 $7 或以下貴得多，雖說 Plextor M3P/M5P 性能強大，但若然比貴一級 AData SP 900 256GB 僅售 $1299，大家又會點選擇呢?

專題總結: AData SP 900 / OCZ Vertex 4 最抵玩!

睇左咁多款 SSD 價錢及規格，相信各位資深玩家都已心裡有數，但如果一般網友都唔知邊款抵玩，筆者在此推介兩個選擇，第一是最平的 AData SP 900 128GB，原因係價錢最平，而且支持都不俗。第二款是 OCZ Vertex 4，雖然售價 $848，但讀寫表現唔比 SandForce 或 Marvell 失禮，加上提供五年保養，同價幾乎相同條件o既選擇!

##鳴謝展昇提供產品價錢及資料