香港數碼消費網站
自從 GeForce GTX 560 SE 熱潮過後，千元價位又再被 Radeon HD 6850 重拾優勢。不過，除了以上兩個型號，近日大家還可選擇 Radeon HD 7770，全因數個品牌 Radeon HD 7770 再度調價售價，由平均 $1,200 下調至 $1,100 以下，其中最平 HIS iCooler 版本 $1040 已經有交易，價格緊接剛落價的 Radeon HD 6850。至於兩款差別，主要集中在性能及功耗，性能上 Radeon HD 6850 會為優勝，而 Radeon HD 7770 就勝在更低功耗及熱量，變相有利低階火牛系統採用。
琴日 GeForce GTX 680 正式開賣，雖然已知 NVIDIA 勢如破竹，但另一面 AMD 陣營竟然已經減價對應，正如 Radeon HD 7,970 平均售價由初時 $4,700 回落至近期 $4400 水平，比起 GeForce GTX 680 售價 $4,580 還要便宜一點，可見 AMD 陣營 OEM 品牌都覺得 GeForce GTX 680 極大威脅。不過，除了 Radeon HD 7970 近期落價仲有 Radeon HD 7770，售價由$1350 回落到 $1200 水平，但眼見 NVIDIA 在同價市場未有任何動作，點解落價哩層真係百思不得其解。
近期平價 iDTV 充斥腦場，不過買得黎睇電視都想搵返大牌子，而近日 LG 新返 兩款 iDTV，分別提供 22吋 (M2250D) 及 24吋(M2450D) 選擇，支援收看 DMB-TH 數碼電視及 MHEG5 互動功能，並支持 USB 視訊播放，而介面則具備兩組 HDMI、VGA 及色差各一組，同時還有光纖輸出及音源輸入，售價分別為 $2,390 及 $2,990。
每逢暑假，大家總有些電腦產品須更換或升級，如果你打算選購Router的話，最近Edimax 連同 Comdex 推出獨家套裝優惠，只須$199 便可以同時購買 BR6228-ns n制式 Router 及 eW7711UAn USB 接收器，優惠價比原價 $409 平左約一半，而即使同其他品牌相比，最平 n Router 約 $150 有交易，但 n制式 USB 接收器亦唔可能 $50 買到，所以絕對係超抵玩! 而優惠期直至 7月25日，有興趣網友記得落 Comdex 掃貨喇!
每年暑假都係砌機高鋒期，適逢今年有多個新平台推出，Comdex就決定推出多個優惠益腦友。首先Intel平台，現憑EPS購買Sandy Bridge Core系列CPU，配搭指定型號 Asrock或ASUS H61/H67/P67主機板，便即時免費獲贈Kingston 2GB/4GB DDR3 1333MHz記憶體及eScan防毒1年版，節合計算起碼慳左$300。AMD方面，配合最新APU推出，凡購買A6-3650 或 A8-3850 APU配搭任何Socket FM1主機板，可以即享$80折扣優惠，對於打算組裝APU系統自然更吸引。
成日聽人講要砌文書機，硬件唔洗勁，最緊要價錢平，咁不妨考慮ASUS 新返的 Eee Box EB1012P。ASUS Eee Box系列屬 BareBone產品，雖然 EB1012P僅採用雙核 Atom D510 CPU，但配有 GeForce GT218 ION2內建顯示，可完全對應高清硬解功能，而此機預載2GB DDR2及 250GB硬碟，並提供 eSATA、USB 3.0、讀卡器及WiFi n 等配置，加上預載Windows 7 Home Premium 及附送鍵盤滑鼠，都係收你$2390，並滿足慳位及正版Windows兩個願望，真係自己砌都唔得喇!
支援 Sandy Bridge 的B3 Stepping 主機板已陸續抵達腦場，但除左 H67/P67 外，H61 更是最便宜的上車盤，但缺點是不設 SATA3及 HDMI 介面，難免令人覺得有點「雞肋」。不過，日前 ASROCK 新到兩塊 H61主機板，其中 H61M/U3S3 以豐富擴充為主題，不但擁有 HDMI 輸出，而且更設獨立晶片提供 2組 USB 3.0及 2組SATA 3，規格甚至比低階 H67產品還豐富，絕對稱得上公屋裡豪宅。
隨著Android 產品變得普及，間接令讀寫快的 MicroSDHC 需求大幅增加，但每當想買 Class-10規格時，價格往往比Class4 貴約一倍，令大家都寧願選擇較便宜的Class-4。不過，市面最近多左個新品牌 – ARAM，或許大家都未聽過，但旗下的Class-10 MicroSDHC 記憶卡，8GB及16GB 僅售 $90及 $170，價格不但是最平的 Class-10產品，而且比部分 Class-4 產品還要便宜，加上由代理 ANTEC、Crosair 的ALTECH 提供保養，要買快卡絕對係廉價首選。
自從3D 開始流行，支援3D規格的 LCD顯示器款式亦越來越多，但要額外添置 3D眼鏡往往是成本最重的一環。不過，早前推出的 ACER HS244HQ，除左換上LED背光及支援 HDMI 1.4規格，更重要係產品附送一副快門式無線 3D眼鏡，售價亦只係 $3490，無疑係更理想的3D入門方案。
早前 Intel晶片出現瑕疵令全數 P67/H67主機板都要回收，雖然至今仍未有新貨供應，但首塊採用 B3 Stepping晶片的 ECS H61H2-M2 日前正式登陸腦場。這塊 ECS H61H2-M2 採用 H61晶片，批次屬於問題後的 B3 Stepping，解決SATA瑕疵問題，而H61規格與 H67 接近，但卻刪去SATA3 支援，屬於 H67 的低階版。
