Athlon x2 5000 平玩開核 入門手冊

AMD Athlon x2 5000 (AM2+)
售價: $435
產品查詢: AVNET (2176 5388)

相信有睇「腦場快報」都知道,近日腦場出現一粒 AMD Athlon x2 5000,並引起玩家們爭相搶購。全因該型號只售 $435,但就擁有破解四核及 L3緩衝既機會,聽落非常吸引。若然你都打算加入戰團,記得留意以下既入門手冊。

Athlon x2 5000 小檔案

Athlon x2 5000 原本為雙核心新型號,擁有 2.2GHz 運作時脈及 1MB L2 緩衝,無疑係為低階市場而設 。不過,鑒於售價與 Athlon x2 240 相若,但時脈相差 600MHz,加上 65w TDP 功耗規格,難免會令一眾玩家懷疑該 CPU 推出的理由。誰知查探之下,就發現 Athlon x2 5000 原來屬於 Phenom II x4 核心降格而來,並隨即成功破解四核及 6MB L3緩衝,唔洗講當然引發一輪搶購潮喇!
.

Athlon x2 5000 Phenom II x4 945
核心數目 ● 雙核, Dual-Core ● 四核, True Quad-Core
運作時脈 ● 2.2GHz ● 3.0GHz
L2 緩衝 ● 1MB x2 ● 512KB x4
L3 緩衝 ● 6MB
支援插座 ● AM2+ (DDR2) ● AM3 (DDR2 / DDR3)
TDP 功耗 ● 65w ● 125w
價錢 $435 市價 約 $1300 市價

.

買U開核 必知三件事:

透過留意 CPU 序號便得知開核機會率有多少。

Athlon x2 5000 必須配搭使用 DDR2 既主機板。

1.) 只對應 AM2+ 及 DDR2 記憶體

雖然已知 Althlon x2 5000 源屬 Phenom II x4 核心,但從包裝上會看到 CPU 只支援 AM2+ 插座,究竟係咩一回事呢? 原來現時 AMD 平台會細分為 AM2+ 及 AM3 插座,前者支援 DDR2; 而後者則支援 DDR3 記憶體,換言之 x2 5000 只能對應 DDR2 平台,故此選購主機板就必須留意插座及記憶體規格,否則買左 CPU 都會用不著呢!

2.) 買 U 要睇 Code!

過往 Phenom II x2 支援開核時,相信都有聽過要留意 CPU Code 才追溯破解與否。同樣地 x2 5000 都有 CPU Code 來鑑定能否開核,大家只須留意 CPU 上第二行序號最尾 4組英文字,如果係 “BPFA” 就幾乎 90% 必定開到,而其它序號就分別有少量失敗個案。不過,鑒於腦場買 CPU 都唔會讓客人選 Code 購買,所以成功開核就要碰碰運氣。

3.) 買板必須 AAC

除左 CPU 本身,開核都要依靠主機板配合才可成功,選購時只須選擇一些配上 SB710 或 SB750 南橋主機板,並留意 BIOS 內有否提供 ACC 開核選項,只要有齊以上兩個條件,開核就唔係甚麼難事。若然唔知邊塊主機板有 ACC 功能,大家亦能直接查詢店員,相信她們必定會答到您。

.

Athlon x2 5000 開核實測

只須啟動 BIOS 內 ACC 選項,就可以成功破解四核及L3緩衝。
成功開核後,可以透過 CPU-Z 檢查成功與否,但 CPU 名稱會顯示成 Phenom FX 5000。

講左咁耐事前準備,相信大家都想知道點樣開核,又或者 BIOS 內怎樣設定。不過,其實整個過程十分之簡單,只須到 BIOS 內 ACC 有關設定選項,並把選項由 Disable 設定成 Auto 即可。儲存及重新開機後,大家可在 POST 或 BIOS 畫面內檢查 CPU 係咪擁有 4 Core 及 6MB L3 Cache 規格,如果一切安好就可以登入 Windows 作穩定性測試。

*筆者使用 Magic-Pro MP-AKGX-M 進行開核測試

.

Athlon x2 5000 試玩評測

結果分析:

從以上 3DMark06 CPU 測試可以睇到 Athlon x2 5000 在開核前後表現,由原本雙核只有 1700分,到開核後暴升至 3100分,升幅幾乎有一倍之多。不過,若然大家略懂超頻,Athlon x2 5000 亦有唔超頻空間,在筆者把外頻輕至超 266MHz 後,便成功打造 2.9GHz Phenom II x4 規格,而分數更跳升至 4000分,成績與同時脈(3.0GHz) Core 2 Quad 及 Phenom II X4 非常接近,試問咁強性價比大家又怎會錯過。

.

超頻開核 兩點僅記!

AMD 附送既散熱器,未能應付開核後既發熱量。
雖然 x2 5000 只有 65w TDP,但開核後功耗會相對提升,所以火牛都唔能夠太低火數。

1.) 熱量提升 散熱必換

若然你買既 Athlon x2 5000 成功開核,固然值得恭喜,但另一方面,用戶亦要考慮選購散熱器作為取代原裝之用。只因 Athlon x2 5000 成功開核後,功耗及熱量都會回升至 Phenom II x4 水平,可是 AMD 提供的鋁製散熱器只能應付開核前既用量,若要機箱條件欠佳便會出現過熱等情況。不過,現時都有很多廉價散熱方案,其中超頻三「紅海」及 EverCool「大黃蜂」都係百元以內既選擇,相信都足以應付 3GHz 環境下使用。

2.) 火牛供電 千其咪慳

雖然 Athlon x2 5000 主打平價系統,但如果因而慳係火牛上就大錯特錯! 即使開核前,Athlon x2 5000 功耗只有 TDP 65w,但開核後功耗就會急升至 TDP 80w 左右,若是再進行超頻,功耗就會進一步上升。以 Athlon x2 5000 配搭主流顯示卡 ( GF9800GT/ HD 4850) 計算, 最基本開核後都要 450w 才算穩陣。若非你會使用內建顯示,否則都唔考慮買選購 300w 或以下既火牛。

.

試玩後感: 低成本 高效益!

自從 AMD 開始推出 Phenom II 及 Athlon x2/3/4 後,CPU 表現幾乎追到同規格既 Intel CPU,但隨著開核事件不斷發生,現在以 $435 購買 Athlon x2 5000 變相就享用到 Phenom II X4,性價比更是勝過對手多多聲。不過,鑒於 Athlon x2 5000 未能支援 AM3(DDR3) 係美中不足,對手頭上無 DDR2 既用戶就難免要挨貴 RAM。如果想十全十美,大家不妨考慮購買新出既 Athlon x3 425/435,它們均支援 AM3 及 DDR3 平台,而售價亦只係 $628 左右,詳細介紹不仿留意「腦場快舖」。
.

測試平台
● AMD Athlon x2 5000 ● Corsair 128GB SSD
● Magic-Pro MP-AKGX-M ● Antec TruePower Quattro 1000w
● Adata 1GB DDR2 800MHz x2

把新科技帶給學界 -「人工智能」產業的未來

得悉本屆「國際人工智能物流挑戰賽」完滿結束,並且相當成功。希望藉此採訪協辦方,COCOROBO 行政總裁兼創辦人 辛海洋博士 對於參與的過程、心得及總結。

咩係「遙距營商計劃」D-Biz 話哂你知

新冠肺炎疫情持續,創新及科技局早前就宣佈,在政府第二輪防疫抗疫基金下,將會推出為期 6 個月,為數 5 億元的「遙距營商計劃」(Distance Business Programme, 簡稱 D-Biz),資助企業利用創新與科技,幫助各行各業創出生路、撐過疫情。到底「遙距營商計劃」是甚麼來?幾時申請?甚麼公司才有資格?又如何申請?在這篇文章中,小編會整合所有你需知的資料,只要看完這篇文章,就可以一目了然。 什麼是「遙距營商計劃」(D-Biz)? 政府推出「遙距營商計劃」(D-Biz),目的是幫助各大小企業在疫情期間,能夠利用資訊科技開拓新的發展方向,從而能夠繼續營運和提供服務。 D-Biz...