《Red Dead Redemption》牛仔版GTA唔再搶車變搶牛？

GTA系列一向都以自由度同出位玩法見稱，不過出足咁多年都係偷車同飛車就開始無新意，所以其開發商Rockstar就決定將其舊作《Red Dead Revolver》GTA化，再加上《GTA4 》多人對戰模式推出《Red Dead Redemption》。

以前細個好多男仔都鍾意扮牛仔，搵枝吸盤玩具槍就同朋友係走廊玩槍戰，不過長大之後自然就礙於面子唔敢再玩。而快將係五月由GTA開發商Rockstar推出?《Red Dead Redemption》就可以幫大家重溫呢段童年日子，遊戲將會帶玩家進入20世紀初美國新墨西哥之中闖盪江湖，做好人壞人完全由你話事：想做好人就可以做賞金獵人專捉大賊、保護途人甚至打獵為生。想刺激就可以試下壞事做盡，由搶銀行劫火車偷牛賊、甚至單人匹馬滅村劫財都可以爆機。不過遊戲唔止得黑白兩道，各位重可以選擇參與墨西哥內戰做個革命烈士，一套遊戲有晒以上多種玩法可以話非常抵玩。

不過以前扮牛仔都唔會得一個人，總要有人做兵扮賊先玩得成，而《Red Dead Redemption》?多人模式Free Roam就正正為大家提供一個平台可以俾大家一齊上網扮牛仔?新平臺！平時玩開多人模式都會限死大家玩咩模式同地圖，不過今次Rockstar就又有新搞作，實行將成個單機版圖變成多人模式版圖任由大家探索。而且全球玩家都會出現係版圖上面同你一齊探險尋寶，而大家重可以同七個朋友組成團隊加入最多六十人大型槍戰、四出守獵珍禽異獸、又或者同朋友一齊洗劫成條村，成個西部隨你地點玩都得！