夢工場的動畫一向最愛反傳統,繼《史力加》(Shrek)系列串盡各大童話後,今次由《荒失失奇兵》(Madagascar)系列班底炮製的聖誕爆笑3D鉅獻《毛百萬》(Megamind),會將把「英雄」這概念玩轉再玩轉﹗正邪不再分明,英雄可以奸奸地,壞蛋都可以上街抗議「禮義廉」﹗故事好玩過癮,連畢彼特(Brad Pitt)都被深深吸引,生鬼聲演毛百萬死對頭「萬人迷」超人(Metro Man)﹗

凡事食腦行先的毛百萬,不但在戲中有連場爆笑鬥智場面,他那藍色大頭所發明的各款武器一樣威力驚人,跟兩位超能「英雄」打到拆天﹗加上夢工場3D立體畫面技術,幕幕戰鬥場面爆到觀眾面前,視覺感受超級震撼﹗秉承一貫好玩兼爆笑的風格,夢工場聖誕3D鉅獻《毛百萬》將於12月23日跟全港觀眾見面﹗

壞蛋闖大禍 轉行做超人先收到科﹗

成世鬥唔贏死對頭、自細就被迫定型為大奸角嘅毛百萬,誤打誤撞下竟然消滅了萬人迷超人﹗不過開心嘅日子只係維持咗好短時間,毛百萬發現當唯一嘅對手消失之後,人生只剩下空虛同寂寞…做慣大奸雄當然要逆天而行,毛百萬親手為自己複製出最強敵人;點知呢個擁有無敵力量嘅A貨超人竟然要搶做奸人﹗為咗呢場苦心經營嘅正邪大戰打得成,毛百萬今勻唯有改行,重新培訓學做正義掌門人?

電影資料

電影名稱:《毛百萬》

香港上映日期:2010年12月23日

導演:(Tom McGrath)

香港發行:洲立影片發行(香港)有限公司

圖片集

作者: 阿爽