依家潮流興 兒童定位智能手錶，戴隻錶係阿仔到可以定位，也都可以通話，啱哂一眾家長。呢啲兒童手錶數據用量唔高，幫佢上台好唔抵，所以最著數都係用年卡。依家市面上嘅年卡一年都係 HK$200 左右，但今次介紹呢張唔止一年，係兩年，真係抵到爛。
3HK 呢張年卡叫「3 香港國際萬能年卡」由「手提電話直銷中心」集團推出，係 3 香港專門店係買唔到的，要買只能夠去 Facebook、網店或者 SIM 卡檔先有。
張卡本身行 42Mbps 速度，對於兒童定位智能手錶及一眾行 4G SIM 卡嘅 戶外 IP Camera 來講好夠用。一張卡賣 HK$238，包含 20GB 及 2,000 本地通話分鐘。因為張卡本身唔係開卡起計使用日，係計截期日 2019 年 12 月 31 日，即係你今日買卡嘅話可以用得多過一年，但如果你買左唔用，留到 2019 年 12 月先開卡就只係得一個月左右，愈早買愈著數。
其中一款名為 AMETER 嘅兒童手錶，呢輪好 Hit
Arlo 出嘅 4G LTE 戶外 IP Camera，聽講係啲村屋區好多裝來昅住啲村口位