想知道自己嘅充電插頭係唔係快充，可以睇下充電頭上面嘅標示。好多人買呢D叉電個陣，一見到USB-C，又或者佢寫自己係快充，你地就以為有快充，但其實唔係架。
一般充電器都會標明輸入同埋輸出嘅數值，手機充電要看嘅係輸出欄位。上面會有電壓（V）同電流（A）數字。需要留意嘅係，早期快充岩岩出個陣，5V 2A 配嘅 10W 功率已經可以叫快充，但隨著手機電池愈做愈大，18W 嘅充電功率已經相當普及。
例如iPhone，用緊嘅快充係18-20W，iPad 用緊嘅快充係 25-35W，MacBook 大約快充由30W去到最高140W，Air輸出較細，相對支援快充瓦數都較低，而我用緊個部 14吋 MacBook Pro 快充係 96W。其實唔同型號嘅 MacBook 用嘅火牛大細都唔同，宜家最常見支援USB-C快充嘅會係67W、96W同埋140W。所以就算唔買原裝，買副廠嘅火牛都要買番相對應嘅W數。
來源：https://www.techritual.com/2022/07/09/319053/