Canon PowerShot G11 & S90 千呼萬喚

有留意數碼相機都會知 Canon G11 推出在即,但直至今日本地媒體才有機會見到此機真面目。鑒於 G11 繼 G5 後重獲扭芒設計,即使像素比 G10 下降,但仍有好多人對它期望十分。除此之外,同場亦有靚仔後代 S90 一齊亮相,想知佢地有咩特別就記得留意以下介紹。

Canon PowerShot G11
建議零售價: $4480 (10月10日發售)

像素扭芒 等價交換

想當年 G10 推出配備 1470萬像素,規格一鳴驚人,但後繼 G11 推出像素竟然只得 1000萬,唔知真係以為新機縮水。像素下降,或許會造成規格減弱既錯覺,實際果 300萬像素換來的就係 G5 後已刪除既扭芒設計,這點對低或高角度取景極有幫助,更何況時下 DSLR 都配備 LiveView、扭芒設計,作為一部半專業既 Canon G系列又怎可以缺少呢?

新增模式 連拍加快

除左以上兩項明顯分別,G11 功能上亦作出唔少優化。首先,G11 會增設強化自動場景偵測功能(Scene Detection),每當使用場景模式時,系統就會自動從 22種設定選取最適合的一款,從此無須在花時間選擇場景上。配合強化的 Motion Detection 技術,不論對焦或追焦都有更佳表現。此外,為了追上 DSLR 的規格,G11 亦把連拍速度提升至 2.4fps,雖則只有暗模式才用到,但總算叫有o的進步喇!

ISO 提升 影像優化

雖然 G11 拍攝像素下降,但另一方面感光度(ISO)表現就有點改進。首先,G11 最高 ISO值提升至 ISO-3200,比上代 ISO-1600 高左一級。其次,於極端情況 G11 亦可以 ISO-12800 拍攝 250萬像素相片,以防萬一。除此之外,G11 還有強化 i-Contrast 技術,對大反差及人物膚色都有更佳對比效果。

1.) 《Canon PowerShot G11》感光度(ISO)雜訊測試

ISO-400 (Click 入收看全圖)

ISO-800 (Click 入收看全圖)

ISO-1600 (Click 入收看全圖)

ISO-3200 (Click 入收看全圖)

《Canon PowerShot G11》 Sample 相片

ISO-100 (Click 入收看原相)

ISO-3200 (Click 入收看原相)

Canon PowerShot S90 外型先決!
建議零售價: $3680

除了萬眾期望既 G11,今次 Canon 亦同場推出靚仔外型既 PowerShot S90。基本上,G11 與 S90 技術規格非常相似,但 S90 就擁有流線型機身,加上獨有功能上亦唔會輸蝕比 G11,明顯定位係外型先決既消費者。

特大光圈 轉環出招

Canon PowerShot S90 與 G11 規格差別,係鏡頭會改用 28-105mm 焦段,變焦倍數會比 G11 為低,但勝在備有 F2.0 特大光圈,對於打造淺景深或暗黑環境拍攝都更有利。除此之外,S90 鏡頭上會設有轉環設計,能安用戶喜歡而設定成調整光圈、快門、白平衡等,使用感覺似 DSLR 外,又同時配合 3吋大芒旁邊的轉盤,使操作性大大增強。

產品查詢: Canon HK (3191 2333)

把新科技帶給學界 -「人工智能」產業的未來

得悉本屆「國際人工智能物流挑戰賽」完滿結束,並且相當成功。希望藉此採訪協辦方,COCOROBO 行政總裁兼創辦人 辛海洋博士 對於參與的過程、心得及總結。

咩係「遙距營商計劃」D-Biz 話哂你知

新冠肺炎疫情持續,創新及科技局早前就宣佈,在政府第二輪防疫抗疫基金下,將會推出為期 6 個月,為數 5 億元的「遙距營商計劃」(Distance Business Programme, 簡稱 D-Biz),資助企業利用創新與科技,幫助各行各業創出生路、撐過疫情。到底「遙距營商計劃」是甚麼來?幾時申請?甚麼公司才有資格?又如何申請?在這篇文章中,小編會整合所有你需知的資料,只要看完這篇文章,就可以一目了然。 什麼是「遙距營商計劃」(D-Biz)? 政府推出「遙距營商計劃」(D-Biz),目的是幫助各大小企業在疫情期間,能夠利用資訊科技開拓新的發展方向,從而能夠繼續營運和提供服務。 D-Biz...