10moons DMPmini
建議零售價: $298
產能查詢: Shooting Technologies (2959 6226)
唔經唔覺，煲劇已成為唔少香港人放工必做的事，她們都喜歡下載一大堆劇集慢慢抽空欣賞，但對未有添置 PMP，又不想設定 RMVB 播放器既用戶，便只能坐定定係電腦 LCD熒幕收看，感覺大為不爽。不過，剛進軍本地既 10moons 就有款超微型 播放器 – DMPmini，體積殲巧，又設定簡易，絕對係入門最佳首選，想知更多就記得睇埋以下介紹。
 |
 |
 |
 |
一般人選購 RMVB 播放器都會留意支援格式或有無 HDMI 等，但同時亦有人只追求簡單易用、價錢實惠即可，而這款 10moons DMPmini 顯然係針對後者用戶。DMPmini 體積只有八達通大小，收藏擺放都極為容易。為了精簡設定，機上只提供 1組色差及音效輸出，故此主要針對於 LCDTV 上收看。除此之外，機上備有一組 Mini-USB 接頭，透過附送既轉線，用戶可以接駁 USB 儲存裝置或 USB Hub 應付多台裝置。安裝過程幾乎一駁即用，絕對符合要求簡單既用戶。
 |
 |
操作方面，DMPmini 亦係簡單易用，選單介面與「M字」品牌產品有幾份相似，用戶只須按用途來選擇功能即可。其次，設定裡除左畫面規格須調整外，其餘就幾乎無須理會。至於影片格式，DMPmini 能支援 RMVB、MPEG、DAT 及 AVI 共四種格式，當中 RMVB 最高規格為 1024 x 576，其餘就只有 720 x 576，兼容性只屬主流規格，可是應付一般 RMVB 劇集就勝任有餘。
試玩後感: 唔洗三百 簡單是美
這款 10moons DMPmini 功能唔算豐富，但勝在既慳位又簡單易用，以唔洗 $300 黎講要滿足以上要求更是只此一家。至於畫質上，鑒於規格受限接駁 LCDTV，故此部分影片細緻度都會因過份拉大而變得朦朧，但測試過程就未見有「窒」等情況，表現總算合格。不過，始終 $300 以下選擇蠻多，要是選擇功能還是慳位，就留返用家決定了。