AYWUN MEGAPOWER 550W 平玩八十牛

AYWUN MEGAPOWER 550W
建議零售價: $399
產品查詢: ALTECH Computers HK (3187 4111)

早前本網介紹過 AYWUN 新出既 MEGAPOWER 系列火牛，當中 550W 型號僅須 $399 就有交易，而且又獲得 80plus 認證，難免令網友既心動又猶疑。為了證實火牛既質素，本網特別借來 MEGAPOWER 550W 作評測，想知佢用唔用得過，就記得唔好錯過!

.

每當選購電腦火牛，網友都會提議揀一些大品牌才穩陣，但唯獨 AYWUN MEGAPOWER 大家就有點猶豫不決，原因無非都係 MEGAPOWER 擁有 80Plus 認證，其次 ALTECH 代理亦增加唔少印象分。事實上，AYWUN 係較早之前推出既機箱，就已發現質素超凡，但始終火牛牽涉安全問題，就連筆者起初亦無百分百信心使用。

.

直至開箱之時，筆者對 MEGAPOWER 總算有點改觀，皆因配件除左螺絲外，還有 4條膠索帶附送，加上均屬黑色，要襯托機箱亦照顧到，實在有點意外。至於火牛本身，重量(用料)明顯係入門級數，但從磨沙外殼及蛇網電線，就知絕非一般雜牌產品風格。

規格上，MEGAPOWER 550W 聲稱有 550W 輸出，但實際 550W 只屬 Peak 數值而已，從規格表可以睇到 共有兩組 +12V 功率分別為 16A 及 17A，規格與其他 80plus 450W 火牛接近，故此評估功耗時難免要打折計算。

.

測試部分 – 負載測試

測試情況:

至於筆者測試期間，就用上 AMD Phenom II x4 965(3.4GHz) 及 Radeon HD 5870 作測試，鑒於 MEGAPOWER 原身已提供 2條 PCI-e 6Pin 接頭，故此接駁更為方便。粗略估計，單係以上兩款硬件負載就用上約 313w，即使把硬碟、主機板等計算在內，相信功耗只有 400w左右，若非超頻或加裝顯示卡(雙卡)都足以應付。筆者以測試軟件及遊戲分別負載系統各一晚時間，期間並無不穩或當機情況出現，至於 +12V數值負載時會由 12.42V 降至 11.65V，成績仍係可接受範圍，由此可見 MEGAPOWER 550W 都算係用得過。

試玩後感: 主流系統 夠晒用!

雖然這次唔算專業評測，但畢竟角度從用家出發。至於筆者試用過 MEGAPOWER 550W 後，感覺總算不過不失，最起碼線材設計夠人性化，即使「裸跑」亦唔見得亂七八糟。除此之外，火牛用上 13.5cm 風扇幫助散熱，運作時非常寧靜，加上外殼未見過份熱量積存，總括來睇都算合格，要是配上四核 CPU 及 HD 4870 或 GTS250 等系統使用都綽綽有餘。若然火牛能改善使用 Peak 數值作型號標籤就更十全十美。

.