【試聽】 SHURE Special Edition SE535 特別色彩特別感受!

- Advertisement -

火紅熱耳的SE535特別版

Shure 今次緊貼潮流,推出紅色Special Edition SE535,色彩奪目,筆者戴上亦特別吸引途人目光,彷彿自己變成犀利哥級型男一樣!要做潮人,唔再係用朱古力豆豆耳機o既小妹妹專利。

SE535 入耳式耳機設計配合人體工學,戴上感覺舒服,隔音結果良好。一般耳機損壞主因都係耳機線勞損,SE535可換線設計,正方便更換,保證上佳音色長聽長有,亦可以換上原裝iPhone系列專用耳機線,方便聽歌都唔會接唔到電話。

拎上手唔會唔知型號

開始試聽,感覺震撼。細致o既清晰度,會一下子搶走筆者o既注意力,一聽就會好難放低。Shure 535 音色比較接近鑑聽級別,音場夠闊,唔會有特別強o既高中低頻做出”太搶”o既效果。筆者讀書年代曾經玩過合唱團,對用聲,運氣方法有基本認知,所以比較喜歡聽人聲o既 Details,可以觀摩歌手o既唱法。係短短o既試聽時間,Shure 535 都可以幫到筆者更清楚深入咁去聽歌手o既唱法。

附送百寶盒有各式耳具

換上原裝黃綿,隔音效果更佳,音色亦比較厚實,用來聽 Rock 一流!打開 Beyond 03 演唱會,聽到午夜迷牆o既結他 Solo 一段,就好考器材表達o既仔細度,而535 o既三單元設計,帶出強而有力o既低音之餘,同時好清晰表達電子結他彈o既每一下,感覺相當驚喜。

而試聽 The Eagles 例牌 Hotel California Live 版頭段,張國榮o既暴風一族等,鼓聲「澎澎聲」之餘亦清楚聽到每一下o既層次。

換上原裝黑綿聽 Sarah Brightman,聲音圓潤,三單元o既清晰亦俾到筆者一道靈光o既感覺。而聽其他女聲,亦係非常好o既享受。試聽完,成個人都開心o左。筆者並非吸毒之人,肯定係耳機之功!Shure SE535 實屬誠意推介!

轉頭又點少得?

當買了一個清晰度如此高的耳機回家時,你會很快發現,你可以重新認識你所有的 CD 珍藏,去將你收到櫃底,浸滿塵o既唱碟都聽一次吧,你會覺得好似在聽新歌一樣。

但如果o係街上過聽歌時,就要注意馬路車輛,因為當你沉醉於你o既音樂世界o既時候,你會不自覺變成一個”發緊夢o既失聰路人”,小心小心。

.

SHURE Special Edition SE535  建議零售價港幣$3,900

.

文:Strider

「2023數碼娛樂領袖論壇」正式揭幕 探索Web3及數碼娛樂新方向 APICTA2023將於12月在香港舉行

數碼港主辦的年度盛事「2023數碼娛樂領袖論壇」(Digital Entertainment Leadership Forum,簡稱 DELF)於8月25日在數碼港隆重揭幕,並由香港特別行政區政府財政司司長陳茂波、香港特別行政區政府創新科技及工業局局長孫東教授、中聯辦青年工作部張志華部長、數碼港主席陳細明及數碼港行政總裁任景信共同擔任主禮嘉賓。 一連三日的論壇匯聚了多名本地和國際講者,圍繞主題「娛樂Power UP! Web3 新視界」,探討數碼娛樂業界的最新資訊,剖析 Web3 在藝術、教育、運動、生活等各領域的轉變。現場更設立了四大體驗區,包括藝術娛樂區、運動娛樂區、教育娛樂區以及樂活區,提供多項獨特創新活動,包括著名時裝設計師 Vivienne Tam 與...

【配件】2023 Airpods / Airpods Pro保護殼推介

巿面上的 Airpods / Airpods Pro 保護殼五花八門,要怎樣選擇才是最好最適合?以下三款Airpods / Airpods Pro保護殼各有特色,如果你正在尋找一種新的方式來保護你的Airpods,或者只是想要一些時尚的配件,那麼這篇文章就是為你而寫的!

Pokémon! 日夜充電去取勝!! thecoopidea Pokémon Pallet 無線快速充電板

今次介紹這個新產品,相信比卡超迷一定好鍾意!呢款最新推出的 thecoopidea Pokémon PALLET 無線快速充電板,有 3 個款式分別是紅色的精靈球、藍色的超級球與及黃色的高級球,非常之吸晴。