速度最高達 1GB 的 NETGEAR M1 4G LTE wifi 蛋最近又有減價，由原來的 2980 減至 $2490，售價未算勁親民，但減左五百都算係咁。
不厭其煩都要同大家講多次，M1 本身因為行 4G LTE，同我地嘅手機一樣都有分唔同嘅頻段，唔同國家嘅版本可以差好遠，好似最開頭出嘅澳洲版咁得幾條頻，係香港都仲叫用到，但拿到去日本呀，美國呢啲根本唔駛用，所以大家買嘅時候要留意版本及頻譜，唔好貪平買左澳洲版或者美國版，到時喊都無謂。
M1 規格行 Qualcomm X16 LTE modem，最多可以連 20 部裝置，最多 1GB 下載及 150Mbps 上載，最特別係有一個其他 4G wifi 蛋無嘅 RJ45 LAN 輸出插頭，外出有需要再連其他產品時最啱用。
