Thecus N2200 網絡小管家

Thecus N2200
建議零售價: $1300 (不連硬碟)
產品查詢: Shooting Technologies (2959 6226)

.
每當提起 NAS 產品，大家都會諗到昂貴既儲存方案，但隨著一般家庭擁有幾台電腦，網絡分享就成為趨勢，難道要係屋企長開部電腦唔做野嗎? 隨著需求增加，Thecus 早前就推出一批全新 NAS產品，當中有款 N2200 規格專為家庭或 SOHO 而設，想知佢點幫你打造網絡分享平台，就記得唔好錯過以下評測。

.

相信大家都有諗過買台 NAS 當作伺服器，但往往價錢昂貴、設定繁複，最終還是買台 Nettop 或舊電腦代替了事。不過，這台新出 Thecus N2200 就剛好解決以上問題，首先價錢僅須 $1300，就可享用 2-Bay 平台設計，機內能安裝兩台 2.5吋/3.5吋 SATA 硬碟，並提供 JBOD 及 Raid 0/1 功能。除此之外，機身更提供多達 4組 USB 2.0 及 1組 GigaLAN 接頭，除左方便抄寫檔案外，同時亦支援備份功能，要是 NAS 會儲存重要文件就更適用。當然 N2200 唔少得會提供 iTunes、Photo Album、Print Server 及 P2P 下載功能，論功能計價錢已相對較便宜。

.

這台 Thecus N2200 安裝唔算太複雜，硬件部分只須把硬碟安裝到 Rack-Mount 即可，但要留意硬碟啟動後會被完全格式化。首次操作上，用戶可透個光碟安裝作業平台到硬碟上，其後就能以 IP 登入控制台。至於 N2200 與前型號既分別，係介面以 AJAX 來編寫，除左更易操作外，同時亦有更佳既反應。不過，值得留意係 N2200 本身未裝包含所有功能，正如下載功能，用戶須自行到 Thecus 網頁下載並安裝有關 Module (插件) 才能享用，除了 P2P 下載功能外，還有 IP Cam 監控及 USB 備份等，換言之只要 Thecus 有 Module 提供，有關 NAS 就有新功能增加。

.

實測情況

鑒於筆者已經有台 HTPC 長期作伺服器用途，所以測試 Thecus N2200 或許都有少許抗拒，更何況除左檔案分享及 P2P 下載外，其餘功能筆者就唔多常用。不過，在試用短短幾日，N2200 無論在讀寫表現及反應都表現理想，或去表面睇要求太低，但筆者要經常把錄製電視節目放到 NAS 並分享到其他電腦上收看，以經常過大 File 都算收貨。其次，下載功能 N2200 會支援 http、ftp、emule 及 BT 等下載方式，對經常通宵下載既用戶，從此就無須長開電腦等待，一方面浪費電力，二來把種子存來存去都增添麻煩，藉著 NAS 能夠集中處理所有內聯事務，而且功耗比 Atom 系統還要低，相信除左睇高清電視外，N2200 都能夠勝任所有工作。

試玩後感: 介面親民 商味依然

Thecus N2200 形象已比過往親民得多，除左未能建立 HTTP 伺服器，其他功能都算十分齊全，加上價格略平及低功耗等賣點，要當家中網絡管家亦係唔錯選擇。不過，面對 Nettop 及 Netbook 等越來越便宜，即使 $1300台 NAS 要引起大眾興趣仍有點難度。若然要 NAS 變得流行，相信再降低規格，並低於千元出售，才能吸引一般家庭客戶。

更正啟示: 　有關報導曾經刊登出 NAS 內部相片屬 Thecus N0503 型號, 現在已進行更正，不便之處，敬請見諒。